"Бенфика" ярим ҳимоячиси Жоау Невеш жамоаси билан янги шартнома имзоламасликка қарор қилди. 19 ёшли футболчи Европанинг асосий ёш юлдузларидан бири саналади, шунинг учун Лиссабон гигантлари у билан яхшиланган шартларда янги шартнома тузишни режалаштирган.
Record хабарига кўра, буни амалга оширишнинг иложи бўлмаган. Невеш "Бенфика" таклифини рад этган. Энди футболчининг тез орада сотилиши эҳтимоли юқорироқ. “Манчестер Юнайтед” узоқ вақтдан буён ярим ҳимоячисига асосий давогар ҳисобланиб келган.
Жоау Невешнинг "Бенфика" билан амалдаги шартномаси 2028 йилгача мўлжалланган. Ўтган мавсумда португалиялик пойтахтликлар сафида 55 та ўйин ўтказган.
