Германия терма жамоаси бош мураббийи Юлиан Нагельсманн терма жамоа билан ишлашдаги қийинчиликлар ҳақида гапирди.
36 ёшли мутахассис Германияни 2023 йилнинг сентябрида бошқаради. Жамоа билан шартнома 2026 йилнинг ёзига қадар мўлжалланган.
"Клубдагидан кўра терма жамоадаги вазиятга таъсир ўтказиш қийинроқ. Ҳамма сизнинг ғояларингизни чинакам тушуниб олиши ва қабул қилиши учун мураббийлар штаби билан кўп гаплашиб, керакли дақиқаларда футболчилар билан индивидуал суҳбатлар ўтказишингиз керак. Ўйинчилар билан мулоқот қилиш учун тўғри вақтни танлашингиз керак, шунда у жамоага ҳақиқий таъсир кўрсатади.
Сиз кўп ўйинларни томоша қилишингиз, ҳар бир позицияга қўйиладиган талаблар ҳақида ўйлаб кўришингиз, қайси ўйинчилар ўз клубларида қандай ўйнашига қараб бу позицияларга мос келишини аниқлашингиз керак. Биз доимо жамоага ким яхши мос келиши ва бизни янада муваффақиятли қилишимиз учун кимлар кераклиги ҳақида ўйлашимиз керак. Саҳна ортида кўплаб мулоҳазалар муҳокама қилинмоқда, уларни жамоатчилик сезмайди, чунки биз ҳар куни машғулотларда бир-биримизни кўрмаймиз", — дейди Нагельсманн.
Германияда 2024 йилги Европа чемпионати 14 июн куни бошланади ва 14 июлга қадар давом этади.
