«Бавария» ва «Байер» Жонатан Танинг баҳоси борасида келиша олмаяпти.
Олдинроқ «Байер» ҳимоячиси «Бавария» билан 2029 йилгача шартнома имзолагани маълум бўлганди. Леверкузен клуби бу трансфер учун 40 миллион евро талаб қилмоқда.
"Bild" журналисти Кристиан Фалькнинг ёзишича, клубларнинг спорт директорлари Макс Эберль ва Саймон Рольфес ўртасидаги илк музокаралар аллақачон бўлиб ўтган.
Мюнхенликлар футболчи учун 40 миллион евро тўламайди. Улар таклиф қилишлари мумкин бўлган максимал миқдор - 25 миллион евро ва бонуслар.
Ўтган мавсумда Та Бундеслигада 31 ўйин ўтказиб, 4 гол ва 1 голли узатмани амалга оширган.
