«Арсенал» Андрей Лунинга қизиқиш билдирмоқда. 25 ёшли дарвозабон Карло Анчелотти билан муносабатлари кескинлашгани сабабли Мадридни тарк этиш ҳақида ўйлаши мумкин. Футболчининг фикрича, италиялик мутахассис унга ишонмайди.

Шу билан бирга, «қаймоқранглилар» раҳбарияти Лунинга ёзда тугайдиган шартномасини 2029 йилгача узайтиришни таклиф қилди.

Манба, шунингдек, дарвозабонга Европанинг бошқа номдор клубларидан таклифлар борлигини, бу эса уни келажаги ҳақида ўйлашга мажбур қилишини қайд этади.

Якунланган мавсумда Лунин 31 та ўйинда (2850 дақиқа) майдонга тушиб, 32 та гол ўтказиб юборди ва 12 марта ўз дарвозаси дахлсизлигини сақлаб қолди.