«Галатасарой» устози Фотиҳ Терим бугун бўлиб ўтадиган «Реал»га қарши ўйин билдирар экан, рақиб жамоанинг ўйини ҳақида фикр билдирди.

— «Реал»га қарши ўйиндан нималарни кутаяпсиз?
— Жуда қийин ўйин бўлади. Биз нафақат дунёнинг энг яхши жамоаларидан бирига қарши, балки энг яхши мураббийлардан бирига қарши ҳаракат қилишимиз керак бўлади.

— «Реал»ни енгиш учун қандай режангиз бор?
— «Реал»нинг ўйинига ортиқча баҳо беришнинг ҳожати йўқ. Уларнинг кимлигини ҳамма билади. Ҳаттоки, олти яшар бола ҳам «Реал»нинг қандай ўйнашини билади.

— Ундай бўлса, нега рақибингизнинг «Мальорка»га қарши ўйинини кузатиш учун бордингиз? Ўша учрашувдан нималарни ўргандингиз?
— Мен «Мальорка»га нисбатан кучли бўлган жамоани кўрдим. Бир бош устун десам ҳам бўлади. «Барселона» ҳамда «Реал» дунёнинг энг буюк жамоалари бўлиб, улар одатда шундай ўйин кўрсатишади.

— «Галатасарой»ни Туркиянинг «Барселона»си деб аташмоқда. Жамоа ҳам айни шунга ўхшаш ўйин кўрсатмоқда. Айтингчи «Реал»га қарши «Барселона»га хос ўйин кўрсатиш фойда қилармикан?
— Биз мухлисларимиз биздан фахрланадиган ва эслаб юрадиган ўйин кўрсатмоқчимиз. Биз ҳар қандай вазиятда ўйин услубимизни ўзгартира оламиз. Биз ҳеч кимдан қўрқмаймиз.