Австрия терма жамоаси бош мураббийи Ральф Рангникнинг фикрича, 2024 йилги Европа чемпионати бошланишидан олдин унинг терма жамоасини паст баҳоламаслик керак.
“Биз ҳамма билан юқори савияда рақобатлаша оламиз. Буни ўтган йили Германия ва Италияга қарши ўртоқлик ўйинларида, шунингдек, Швецияга қарши Евро-2024 саралаш босқичида ҳам кўргансиз.
Биз Евро-2024га фақат қатнашиш учун эмас, балки юқори натижаларни кўзлаб боряпмиз. Биз нимага қодир эканимизни кўрсатмоқчимиз. Бизнинг гуруҳимиз оддий эмаслигини тушунамиз. Бироқ, биз ўзимизга ишонамиз ва кейинги босқичга чиқа олишимизни кўрсатамиз", - дея Рангникнинг сўзларини келтиради УЕФА расмий сайти.
