"Реал Мадрид" бош мураббийи Карло Анчелотти "Лос-Бланкос" ва Испания терма жамоаси марказий ҳимоячиси Начога унинг жамоада қолишини ва клуб билан шартномасини узайтиришини исташини айтди. Бу ҳақда журналист Хосе Феликс Диас хабар бермоқда.

Манбага кўра, Начо ҳали ўз келажаги борасида якуний қарорга келмаган, бироқ Анчелотти бир шарт қўйган - қарорини июнь ойи охиригача эълон қилиш. Қайд этилишича, испанияликнинг бу қарори “Алавес”да ижара асосида ажойиб мавсум ўтказган Рафа Мариннинг келажагига таъсир қилиши, шунингдек, “Лилль”нинг франциялик ҳимоячиси Лени Йоронинг Испанияга ўтишини тезлаштириши мумкин.