Англия терма жамоаси ярим ҳимоячиси Жуд Беллингем жамоасининг Германиядаги илк машғулотидан сўнг мухлислар учун футболкаларга имзосини қўйиб берди.
Европа чемпионати 14 июнь куни бошланади ва 14 июлга қадар давом этади. Инглизлар “C” гуруҳида Словения, Дания ва Сербия терма жамоалари билан ўйнайди.
Аввалги Евро-2020да Англия терма жамоаси турнир финалига қадар етиб борган ва у ерда Италия терма жамоасига (1:1, 2:3 пенальтилар серияси) имкониятни бой берган эди.
2023/2024 йилги мавсумда Беллингем "Реал Мадрид" сафида 42 та ўйин ўтказиб, 23 та гол урди ва 13 та голли узатмани амалга оширди.
