Косонсойда бўлиб ўтган "Навбаҳор" ва "Локомотив" жамоалари ўртасидаги 2-турнинг қолдирилган ўйинидан кейин бош мураббийлар ўз фикрлари билан ўртоқлашишди.

Мустафо Байрамов, «Навбаҳор» бош мураббийи:
«Биринчи навбатда намойиш этилган ўйин учун футболчиларга миннатдорчилик билдириб ўтишни истардим. Рақиб кучли бўлса-да, олдимизга фақат ғалаба қозонишни мақсад қилиб тушгандик. Ўйиндан олдин футболчиларга тўпни кўпроқ назорат қилиб, чўчимасдан ҳаракат қилишни уқтиргандим. Айнан шундай тарзда тўп суриш орқали ижобий натижага эришиш мумкинлигини айтгандим. Ўйинда бу ишимиз амалга ошди. Биринчи бўлимда урган голимизни нима сабабдан ҳисоблашмаганлигини тушунмадим – бу ҳакамларнинг виждонига ҳавола. Шундай бўлса-да, кейинчалик ҳисобни очишга эришдик. Афсуски, ўйин охирларида дарвозамиздан тўп ўтказиб юбориб, ғалабани сақлаб қола билмадик».