Косонсойда бўлиб ўтган "Навбаҳор" ва "Локомотив" жамоалари ўртасидаги 2-турнинг қолдирилган ўйинидан кейин бош мураббийлар ўз фикрлари билан ўртоқлашишди.

Ҳаким Фузайлов, «Локомотив» мураббийи:
«Фарғонадаги оғир ўйинни ўтказишимизга тўғри келганди. Жуда қийин учрашувлардан бирида майдонга тушгандик. Футболчиларини руҳий ва жисмоний томондан бироз толиқиб қолишганди. Бугун «Навбаҳор» ҳам ўйинга жиддий тарзда ҳозирлик кўрганликларини амалда намойиш этишди. Бу ҳол дастлабки дақиқаларданоқ кўзга ташланди. Шу сабабли ўйин қийин кечди. Шунга қарамай, устунлик биз томондан бўлди. Лекин имкониятларимиздан фойдалана олмадик. Бироз омадимиз чопмади десак ҳам бўлади. Боз устига, рақибимиз ҳам охиригача курашди. Ҳар қандай ҳолатда ҳам, икки очкони йўқотдик деб ўйлайман».