Англиянинг “Лестер” клуби айни дамда бош мураббийлик учун икки номзоддан бирини танлаши керак. Эслатиб ўтамиз, жамоани Премьер-лигага олиб чиққан Энцо Мареска яқинда Лондоннинг “Челси” клуби билан шартнома имзолаган эди.
The Athletic хабарига кўра, "Лестер" "Брайтон" ва "Челси"нинг собиқ бош мураббийи Грэм Поттер ва "Вест Бромвич" бош мураббийи Карлос Корберан ўртасида танловни амалга оширмоқда. Тез орада қарор қабул қилиниши кутилмоқда.
Эслатиб ўтамиз, “Лестер” “Ипсвич”ни бир очкога ортда қолдириб, сўнгги чемпионат ғолибига айланди. "Тулкилар" Англия Премьер-лигасига Чемпионшипга тушиб кетганидан бир йил ўтиб қайтишди.
