"Милан" янги бош мураббий тайинланганини эълон қилди. Жамоа бош мураббийи лавозимини португалиялик мутахассис Паулу Фонсека эгаллади, дея хабар беради "россонерилар" расмий сайти. Томонлар ўртасидаги шартнома 2027 йилнинг ёзига қадар амал қилади.
Эслатиб ўтамиз, Фонсеканинг аввалги иш жойи Франциянинг "Лилль" клуби бўлиб, уни португалиялик мураббий 2022 йилдан бери бошқариб келганди. Унинг қўл остида жамоа Лига 1нинг сўнгги мавсумида тўртинчи ўринни эгаллади.
"Милан" сўнгги Италия чемпионатини иккинчи ўринда якунлади. "Россонерилар" 75 очко жамғариб, чемпион "Интер"дан 19 очкога ортда қолишди.
