Мадриднинг “Атлетико” клуби ярим ҳимоячиси Сауль Ньигес яқин орада клубини ўзгартирмоқчи.
29 ёшли футболчи "матрасчилар"нинг асосий таркибида доимий ўринга эга эмас, шу боис мавсум давомида ярим ҳимоячининг кетиши ҳақидаги миш-мишлар матбуотда пайдо бўлди. Энди ҳаммаси Сауль ёзда "Атлетико" билан хайрлашишига қараб кетмоқда. Журналист Маттео Мореттонинг сўзларига кўра, испаниялик вакиллари ҳозирданоқ унга янги клуб изламоқда.
Сауль Ньигес "Атлетико Мадрид" академияси тарбияланувчиси. Футболчи мадридликлар сафида 427 та ўйин ўтказиб, 48 та гол ва 26 та голли узатмани амалга оширган.
