Португалия терма жамоасининг 39 ёшли марказий ҳужумчиси Криштиану Роналду 2024 йилги Европа чемпионати бошланиши арафасида фикр билдирди.

"Жамоамиз бутунлай хотиржам, мен ҳеч кимни жуда хавотирга солаётганини сезмадим. Ишончим комилки, ҳаммаси яхши бўлади. Португалиялик футболчиларнинг ҳозирги авлоди бундай турнирда ғалаба қозонишга лойиқ. Биз орзу қилишда давом этишимиз керак. Мен еврога тўлиқ тайёрман, биринчи ўйинга кўп вақт қолмади", – дейди ҳужумчи.

Португалия терма жамоаси Чехия, Туркия ва Грузия жамоалари билан бир квартетдан жой олди. Турнирнинг очилиш учрашувида Роберто Мартинес шогирдлари чехларга қарши майдонга тушади.