"Манчестер Юнайтед"нинг икки юлдуз футболчиси жамоа бош мураббийи Эрик тен Хагнинг иш услубларидан норози бўлишди. Бу ҳақда The Athletic журналистларига маълум бўлди.

Манбага кўра, бу футболчилар ярим ҳимоячи Каземиро ва ҳимоячи Рафаэль Варан бўлган. Нидерландиялик мутахассиснинг бошқарув услубидан ҳар икки футболчи ҳам норози эди. Юлдузларнинг фикрича, тен Хаг жамоани маълумот билан ортиқча юклаган ва унинг ёндашуви ўйинчиларнинг индивидуал фазилатларига салбий таъсир кўрсатган.

Эслатиб ўтамиз, Варан 2023/2024 йилги мавсум якунида "қизил иблислар"ни тарк этганди. Каземиро ҳам манкунианликлар билан хайрлашишга яқин турибди.