Мюнхеннинг "Бавария" клуби "Фулхэм" ярим ҳимоячиси Жоау Палиньянинг трансфери бўйича келишувни ўз шартлари асосида амалга оширишга қарор қилди. Журналист Фабрицио Романонинг маълумотларига кўра, клублар алоқани давом эттирмоқда, аммо ҳеч қандай тараққиёт кузатилмаган.
Аввалроқ Лондон клуби 28 ёшли ярим ҳимоячи учун товон пули сифатида 70 миллион евро талаб қилганди, бироқ “Бавария” бундай пулни тўламоқчи эмас. Мюнхен сешанба куни ўзининг сўнгги таклифини берди, аммо у тезда рад этилди.
Палинья айни дамда Португалия терма жамоасида Евро-2024'да ўйнашга тайёргарлик кўрмоқда. Жоау унинг "Бавария"га трансфери имкон қадар тезроқ келишиб олинишига умид қилмоқда.
