"Милан" марказий ҳимоячиси Фикайо Томори Англия Премьер-лигасига қайтиши мумкин. У аввалроқ Лондоннинг "Челси" жамоасида ўйнаган.
Football Insider нашри хабарига кўра, инглиз футболчисининг хизматларига "Ньюкасл" қизиқиш билдирмоқда. Манба берган хабарга кўра, "қарғалар" вакиллари "Милан" билан боғланиб, трансфер бўйича музокара олиб боришган.
Эслатиб ўтамиз, ўтган ёзда "Ньюкасл" "россонерилар"дан ярим ҳимоячи Сандро Тоналини сотиб олган эди, у дисквалификация туфайли мавсумнинг катта қисмини ўтказиб юборганди.
Томори 2021 йилнинг январидан бери "Милан"да ўйнаб келмоқда ва ҳозирда жамоа билан Италия чемпионатида ғолиб чиққан. Transfermarkt портали 26 ёшли англиялик футболчининг бозор нархини 40 миллион еврога баҳоламоқда.
