"Ювентус"нинг собиқ футболчиси Сами Хедира Криштиану Роналду жамоадошларига қўйган талаблари ҳақида гапирди. Португалиялик юлдуз футболчиларни машғулотлар вақтида телефонлардан фойдаланмасликка чақирган.
"Кьеза бир куни қўлида телефони билан спорт залига кетаётган эди. Криштиану қаради ва деди: “Нима қиляпсан? Эшитинг, сизга телефон керак эмас, спорт залига боринг ва ишланг. Ижтимоий тармоқлардан фойдаланманг ва ўз ишингизга эътиборингизни қаратинг", – деди Хедира.
Криштиану Роналду 2018-2021 йилларда “Ювентус” сафида тўп тепган. Португалиялик форвард айни дамда “Ан-Наср” жамоасида ўйнайди.
