Бироз олдин Ўзбекистон Суперлигаси 11-туридан ўрин олган "Сўғдиёна" - "Насаф" баҳси бўлиб ўтди. Мазкур беллашувда жиззахликлар 1:0 ҳисобида кучли рақибни таслим этди.
Ўйиндаги ягона гол 18-дақиқа Люпчо Дориев томонидан киритилди. Бундан ташқари, мезбонлар футболчиси Отабек Аҳадов 54-дақиқада қизил карточка олиб майдонни тарк этди. Қўшимчасига, Самандаржон Мавлонқулов ҳам ҳакам томонидан қўшиб берилган дақиқаларда ўйиндан четлаштирилди.
Мазкур ғалабадан сўнг "Сўғдиёна" Суперлига турнир жадвалида 5-ўринга кўтарилиб олди. "Насаф" эса мағлубиятдан қатъи назар биринчи поғонада қолди.
