Россиялик собиқ футболчи Андрей Аршавин француз ҳужумчиси Килиан Мбаппе Ниндзя тошбақалар қаҳрамонларидан бирининг ниқобини кийиб, Европа чемпионатида иштирок этишни давом эттириши мумкинлиги ҳақидаги фикрни ҳазил билан айтди.

Эслатиб ўтамиз, Франция – Австрия (1:0) учрашуви якунида Франция етакчиси Килиан Мбаппе бурни синган ҳолда жароҳат олган эди.

Кейинроқ у жарроҳлик амалиётидан қочишга муваффақ бўлгани маълум бўлди, аммо бўлажак ўйинларда иштирок этиши шубҳа остида қолмоқда.

“Бу бутун Евро учун фожиага айланиши мумкин. Чемпионатнинг асосий юлдузи фақат битта ўйин ўтказади.

Балки тошбақа ниқобида пайдо бўлар... Агар у бошини синдирганда нима бўлади? Менимча, портлаш рўй берган бўларди", - деди Аршавин.