"Порту" Пепе билан шартномани узайтирмайди.

41 ёшли ҳимоячи кейинги мавсумда Португалия клубида ўйнамайди.

"Мен Пепега унинг келажаги ҳам ҳиссий нуқтаи назардан, ҳам профессионал нуқтаи назардан "Порту" билан чамбарчас боғлиқлигини айтдим. Унинг "Порту" футболчиси сифатида фаолиятини давом эттиришига келсак, бу содир бўлмайди.

Унга, афсуски, бундай бўлмаслиги сабаблари тушунтирилди. Бироқ, биз унинг карьерасига катта ҳурмат билан қараймиз. Бизда бошқа йўл бор ва маълум даражада янги "Порту" иш ҳақи ва харажатларни камайтиришни мақсад қилган.

Бу Пепега аниқ тушунтирилди ва у буни тушунди. У фаолияти борасида бир қарорга келади ва “Порту”нинг эшиклари унинг учун доим очиқ”, - дейди “Порту” президенти Андре Виллаш-Боаш.

Пепе 2004 йилдан 2007 йилгача ва 2019 йилдан жорий мавсумгача "Порту"да ўйнаган. Ҳимоячи клуб билан 4 марта Португалия чемпионлигини қўлга киритган.