Мадриднинг "Реал" клуби ижара муддати тугаган дарвозабон Кепа Аррисабалага келажаги борасида ҳукм чиқарди. Журналист Марио Кортехананинг маълумотларига кўра, "қироллик клуби" шу ёзда Андрей Лунин жамоани тарк этган тақдирда ҳам Кепани Лондоннинг "Челси"сидан доимий равишда сотиб олмайди.
Эслатиб ўтамиз, Кепа ўтган мавсумни "Реал Мадрид"нинг асосий дарвозабони сифатида бошлаган, аммо кузда у Андрей Лунинга рақобатни бой бериб қўйганди. "Челси"га қайтганига қарамай, Аррисабалага Лондонда қолиши даргумон ва катта эҳтимол билан фаолиятини бошқа клубда давом эттиради.
Бир йил олдин Кепа "Бавария"га ўтиши мумкин эди, аммо у "Реал" вариантини танлади.
