Франция терма жамоаси ҳужумчиси Килиан Мбаппе Австрияга қарши ўйинда бурнидан жиддий жароҳат олиб, ҳакам рухсатисиз футбол майдонига қайтди ва бунинг учун сариқ карточка олди.
"Манчестер Юнайтед"нинг собиқ футболчиси Рой Кин "уч рангли" сардорнинг бу ҳаракатини қадрламади.
"У ўйинни тўхтатишга уриниб, майдонга ўтирди. Мен буни томоша қилишни ёқтирмадим, бу оддий тарзда содир бўладиган нарса эмас. У бу сариқ карточкага лойиқ эди. Ўша лаҳза менга ёқмади, буни ижобий таъсир деб атай олмайман", - деди Кин ITV телеканалига.
