Fransiya terma jamoasi hujumchisi Kilian Mbappe Avstriyaga qarshi o‘yinda burnidan jiddiy jarohat olib, hakam ruxsatisiz futbol maydoniga qaytdi va buning uchun sariq kartochka oldi.
"Manchester Yunayted"ning sobiq futbolchisi Roy Kin "uch rangli" sardorning bu harakatini qadrlamadi.
"U o‘yinni to‘xtatishga urinib, maydonga o‘tirdi. Men buni tomosha qilishni yoqtirmadim, bu oddiy tarzda sodir bo‘ladigan narsa emas. U bu sariq kartochkaga loyiq edi. O‘sha lahza menga yoqmadi, buni ijobiy ta’sir deb atay olmayman", - dedi Kin ITV telekanaliga.
