"Наполи" ҳужумчиси Виктор Осимхен ёзда Лондоннинг "Арсенал" клубига ўтмаса керак.
Кўплаб миш-мишларга кўра, нигериялик футболчи клубини ўзгартиришга тайёр, "канонирлар" эса юлдуз форвардга асосий даъвогарлар қаторига кирган. Журналист Пит О'Руркнинг сўзларига кўра, "Арсенал" Осимхенни сотиб олиш ғоясидан воз кечишга қарор қилган. Ўйинчининг "Наполи" билан шартномасида товон пули 130 миллион евродан кўпроқни ташкил қилади, аммо Неаполь клуби ўз етакчисининг нархини тахминан 106 миллион еврогача пасайтиришга тайёр - аммо бундай талаб лондонликлар томонидан қабул қилиниши эҳтимоли йўқ.
Аввалроқ, "Челси" Виктор Осимхенга даъвогарлар рўйхатидан чиқиб кетганди.
