«Бавария» энди «Штутгарт» ва Германия терма жамоаси вингери Крис Фюрихга қизиқмаяпти.

26 ёшли футболчи мюнхенликларнинг асосий нишонларидан бири ҳисобланарди - бундан ташқари, ҳатто «Штутгарт» ҳужуми етакчиси билан оғзаки келишув бўлгани ҳам хабар қилинганди. Журналист Кристиан Фалькнинг сўзларига кўра, «Бавария» бу ёзда Фюрихни сотиб олиш ғоясидан воз кечган. Мюнхенликлар футболчини фаол равишда кузатиб боришди, аммо якунда трансфер эҳтимолини рад этишди.

"Transfermarkt" портали Крис Фюрихнинг нархини 28 миллион еврога баҳолаган. Қанот ҳужумчиси Германия терма жамоасининг Европа чемпионатида иштирок этадиган таркибига киритилган, бироқ Шотландияга қарши биринчи тур учрашувида (5:1) захирада қолганди.