"Интер" ҳимоячиси Дензел Дюмфрис "Милан" ҳимоячиси Тео Эрнандес билан муносабатлари ҳақида гапирди.

"У билан ҳар доим қизғин жанг бўлади, аммо бу дерби учун одатий ҳол. Бироқ, Тео билан ҳеч қандай муаммом йўқ. Ҳар биримиз клубимиз рангларини ҳимоя қиламиз. У "Милан"ни яхши кўради, мен "Интер"ни яхши кўраман ва у билан майдонда учрашиш ҳар доим ёқимли, чунки бу ҳақиқий жанг.

Бироқ, аниқлик киритмоқчиманки, менда унга нисбатан нафрат йўқ. Тео ва ўртамдаги фақат спорт рақобати бор, биз бир-биримизни ҳурмат қиламиз", - дея Дюмфрис сўзларини келтиради журналист Жанлука Ди Марцио.

Ўтган мавсумда "Интер" 94 очко билан А Серия чемпионига айланди. "Милан" иккинчи ўринни эгаллади (75 очко).