"Бавария" ярим ҳимоячиси Жошуа Киммих ўзининг келажак режалари билан ўртоқлашди. Эслатиб ўтамиз, кейинги ёзда футболчининг амалдаги клуби билан амалдаги шартномаси якунига етади.
Аввалроқ Жошуанинг хизматларига “Барселона” ва Англия Премьер-лигаси клублари қизиқиш билдиришган.
"Вазият жуда оддий: "Бавария" билан 2025 йилгача шартномам бор. Ҳозир фаол бўлишим керак бўлган мен эмас. Ҳозир бор эътиборимни Европа чемпионатига қаратганман, аммо турнир якунида “Бавария” билан суҳбат қурамиз”, – дея Киммихнинг сўзларини келтиради журналист Фабрицио Романо.
