Франция терма жамоаси ярим ҳимоячиси Аурелиен Тчуамени Европа чемпионати гуруҳ босқичи 2-турида Нидерландияга қарши ўйинга тайёр.

L’Equipe нашри маълумотларига кўра, франциялик ярим ҳимоячи энди ўзини ноқулай ҳис қилмаяпти ва майдонга тушишга тайёр.

Эслатиб ўтамиз, Тчуамени "Реал"да олган жароҳати туфайли бир ойга яқин майдонга туша олмаганди. Аурелиен Чемпионлар лигаси финалида ҳам иштирок эта олмади, финалда "Қироллик клуби" Дортмунднинг "Боруссия" жамоасини мағлуб этди. Тчуамени Нидерландия билан ўйинда захирада қолиши мумкин, чунки мураббийлар штаби ҳали футболчининг иштироки бўйича бир қарорга келмаган. Австрияга қарши биринчи турда энг яхши ўйинчи бўлган Нголо Кантени четлаб ўтиш Аурелиен учун ҳам қийин бўлади.