Fransiya terma jamoasi yarim himoyachisi Aureliyen Tchuameni Yevropa chempionati guruh bosqichi 2-turida Niderlandiyaga qarshi o‘yinga tayyor.
L’Equipe nashri ma’lumotlariga ko‘ra, fransiyalik yarim himoyachi endi o‘zini noqulay his qilmayapti va maydonga tushishga tayyor.
Eslatib o‘tamiz, Tchuameni "Real"da olgan jarohati tufayli bir oyga yaqin maydonga tusha olmagandi. Aureliyen Chempionlar ligasi finalida ham ishtirok eta olmadi, finalda "Qirollik klubi" Dortmundning "Borussiya" jamoasini mag‘lub etdi. Tchuameni Niderlandiya bilan o‘yinda zaxirada qolishi mumkin, chunki murabbiylar shtabi hali futbolchining ishtiroki bo‘yicha bir qarorga kelmagan. Avstriyaga qarshi birinchi turda eng yaxshi o‘yinchi bo‘lgan Ngolo Kanteni chetlab o‘tish Aureliyen uchun ham qiyin bo‘ladi.
