Англия терма жамоасининг собиқ футболчиси Стюарт Пирс Евро-2024 доирасидаги Португалия – Чехия учрашуви ҳақидаги фикрлари билан ўртоқлашди.
Хабарингиз бор, португаллар 2:1 ҳисобида иродали ғалабага эришди.
“Бу кулгили туюлиши мумкин, лекин футболчилар Роналдуга тўпни бериб туришга етарлича ишонмаяпти.
Учрашувда футболчилар Роналдуга пас бермаган пайтлар ҳам бўлди. Бернарду Силва Роналдуни ички позицияда эътиборсиз қолдирган пайт бўлди.
Ўйлайманки, ўн йил олдин ҳамма унга тўп узатиш кераклигини яхши тушунганди ва Роналду албатта мақсадга етиб боради ва гол уради.
Силва узатмани бермади ва бу менга ғалати туюлди", - деди Пирс.
