Украина терма жамоаси ярим ҳимоячиси Руслан Малиновскийнинг фикрича, 2024 йилги Европа чемпионатининг Руминияга қарши биринчи ўйинидаги мағлубиятдан кейин узр сўрашнинг ҳожати йўқ, аммо майдонда натижа кўрсатиш керак.

"Ҳаммаси индивидуалдир. Менинг назаримда, бундай ўйинлардан кейин бу узр сўраш ҳеч кимга керак эмас. Тез орада навбатдаги ўйинимиз бўлгани яхши, бунинг учун бутун бир ҳафта кутишимиз шарт эмас. Шундай экан, ўзимизни бошқа томондан кўрсатишимиз мумкин", - деди Малиновский УФА матбуот хизматига.

Евро-2024 доирасидаги иккинчи ўйинда Украина терма жамоаси Словакия термаси билан ўйнайди. Учрашув 21 июнь куни бўлиб ўтади ва Тошкент вақти билан соат 19:00да бошланади.