ПСВ ва Бельгия терма жамоаси футболчиси Жоан Бакайоко "Барселона"нинг трансфер мақсадлари орасида.
Хабарингиз бор, бу йил ёзда "кўк-анорранглилар" ҳужум қанотларини кучайтиришга умид қилишмоқда. Журналист Жерар Ромеронинг сўзларига кўра, "Барселона" 21 ёшли бельгиялик футболчига кўз тикмоқда, аммо уни ҳозирча устувор вариант деб ҳисобламайди. Агар каталонияликлар асосий мақсадлар бўйича музокараларда муваффақиятсизликка учраса, аниқ қадамлар қўйилиши мумкин.
Transfermarkt портали Жоан Бакайоконинг нархини 45 миллион еврога баҳолаган. Ўтган мавсумда қанот ҳужумчиси ПСВ учун 49 ўйинда 14 гол ва 14 голга ассистентлик қилган, шунингдек, Бельгия терма жамоаси учун 13 ўйинда битта гол ва иккита голли узатмага муаллифлик қилган.
