Испания терма жамоаси ярим ҳимоячиси Фабиан Руис Италия терма жамоаси билан ўйиндан олдин фикрлари билан ўртоқлашди.
"Италия одатдагидек ўйнашини кутаман. Ўйлайманки, мураббийлар штаби рақибларнинг ўйинини яхши ўрганиб чиқди, шу боис Спалетти ҳақида ҳеч қандай маълумот алмашишга ҳожат қолмади. У юқори прессингга таянадиган зўр мураббий эканлигини биламиз. Бизни қийин ўйин кутмоқда.
Мен учун Италия билан учрашув алоҳида аҳамиятига эга бўлади. Мен бу мамлакатни яхши кўраман, “Наполи”да узоқ вақт ўйнаганман, у ерда дўстларим кўп. Умид қиламанки, сизда бу оқшом ёқимли хотиралар қолади”, - дея Руиснинг сўзларини келтиради журналист Альфредо Педулла.
