Нидерландия терма жамоаси дарвозабони Барт Вербрюгген Франция терма жамоаси ҳужумчиси Килиан Мбаппе ҳақида гапирди.
Аввалроқ, 25 ёшли футболчи Австрия терма жамоаси билан ўйинда (1:0) бурнини синдириб олганди, шундан сўнг у касалхонага ётқизилган эди. ОАВ хабарига кўра, у Польша терма жамоаси билан гуруҳдаги учинчи ўйинга қайтиши мумкин.
"Ростини айтсам, Мбаппенинг ўйинда бўлиши мен учун муҳим эмас. Францияда яна кўплаб яхши ҳужумчилар ва кучли таркиб бор.
Албатта, Мбаппе супер ўйинчи, лекин биз ҳеч кимдан қўрқмаймиз", - дея Вербрюггеннинг сўзларини келтиради RMC.