Бильбаонинг "Атлетик" клуби ҳужумчиси Нико Уильямс борасида бир қарорга келди. Mundo Deportivo хабарига кўра, топ-клубларнинг қизиқиши фонида басклар футболчига маоши оширилган янги шартнома таклиф қилмоқчи. Клуб, шунингдек, Уильямснинг амалдаги шартномасида кўрсатилган товон пули миқдорини ҳам оширмоқчи. Эслатиб ўтамиз, Уильямсни ҳозирда 60 миллион еврога сотиб олиш мумкин.
Никога қизиқиш билдираётган жамоалар орасида "Барселона" ҳам бор. Шунингдек, Англия Премьер-лигаси клублари Испания терма жамоаси футболчисини фаол кузатиб боришмоқда.
Нико Испания чемпионатининг сўнгги мавсумида 5 та гол ва 11 та голли узатмани амалга оширди.
