Ҳужумчи Радамел Фалькао "Милионариос" сафига қайтди.

Клуб шартнома тафсилотларини маълум қилмаган. Футболчи эркин агент сифатида жамоага қўшилган.

Фалькао 10 ёшдан 15 ёшгача Колумбия клуби тизимида бўлган, шундан сўнг у "Ривер Плейт"га кўчиб ўтган ва у ерда профессионал фаолиятини бошлаган. Кейинчалик у "Порту", "Атлетико Мадрид", "Монако", "Манчестер Юнайтед", "Челси" ва "Галатасарой"да ўйнаган.

У сўнгги 3 йилни "Райо Вальекано"да ўтказди. Жорий мавсумда у 26 учрашувда 4 та гол урди ва 1 та голга ассистентлик қилди.