2024 йилги Европа чемпионати гуруҳ босқичи 2-тур учрашувида Польша терма жамоаси Австрияга қарши майдонга тушади. Польша терма жамоаси бош мураббийи Михал Пробез ушбу учрашув ҳақида ўз фикрлари билан ўртоқлашди.

"Рақибларимиз тажовузкор ўйин услубини намойиш этишмоқда, биз ҳам уларга худди шундай жавоб беришимиз керак. Биз агрессив тарзда яхши футбол ўйнашимиз керак. Агар биз бу нарсаларни бирлаштира олсак, имкониятларимиз сезиларли даражада яхшиланади", - дея мутахассиснинг сўзларини келтиради УEФА матбуот хизмати.

Бугун, 21 июнь куни Берлиндаги стадионда Польша ва Австрия терма жамоалари ўртасидаги учрашув бўлиб ўтади.