Польша терма жамоаси дарвозабони Войцех Шесни жорий 2024 йилги Европа чемпионатидаги амбициялари ҳақида гапирди.

"Биринчи ўйинда мағлуб бўлдик, аммо мен ижобий фикрдаман. Атмосфера ажойиб, лекин биз бунга яхши натижаларни қўшишимиз керак. Германияда икки ҳафтани яхши муҳитда ўтказишим, бор-йўғи учта ўйин ўтказишим ва уйга қайтишим учун келганим йўқ, буни хоҳламайман. Бу етарли эмас. Мен бу ерда муваффақиятга эришмоқчиман ва буни уддалай олишимизга ишонаман", - дея Шеснининг сўзларини келтиради УEФА матбуот хизмати.

1-турда Польша Нидерландияга 1:2 ҳисобида имкониятни бой берганди. Бугун, 21 июнь куни Евро-2024 2-тури доирасидаги Австрия ҳамда Польша терма жамоалари ўртасидаги учрашув бўлиб ўтади.