Мадриднинг “Реал” клуби ҳужумчиси Хоселу Саудия Арабистонидан жуда саховатли таклиф олди. Marca хабарига кўра, испаниялик унга жуда катта маош таклиф қилган маҳаллий клубдан бош тортган.
Бироқ манба аниқ рақамларни келтирмади. Хоселу рақобат кучайиб бораётганига қарамай, "Реал"да қолишни истайди. Келаси мавсумда қироллик клубида Килиан Мбаппе ва Эндрик каби ҳужумчилар ўйнайди.
Хоселу ўтган мавсумда "Реал" билан Испания чемпионлиги ва Чемпионлар лигасида ғолиб чиққанди. Футболчи барча турнирларда 49 учрашувда 17 та гол урди ва 3 та голли узатмани амалга оширди.
