Хоселу яна бир мавсум "Реал"да қолиши мумкин.

Marca хабарига кўра, Мадрид клуби ҳужумчини "Эспаньол"дан сотиб олишга ва унга бир йиллик шартнома таклиф қилишга тайёр. Клуб футболчини ўз нияти ҳақида аллақачон маълум қилган.

Шу билан бирга, Хоселу Саудия Арабистонидан жиддий таклифни ўрганмоқда, бироқ энди унинг устуворлиги "Реал"да яна бир мавсум қолиш.

У ўзини жамоанинг муҳим бўлагидек ҳис қилмоқда, гарчи у рақобат жуда кучли бўлишини тушунса ҳам.

Ўтган мавсумда испаниялик футболчи "Реал" сафида 49 та ўйинда майдонга тушиб, 17 та гол урди ва 3 та голга ассистентлик қилди.