Украина терма жамоаси дарвозабони Андрей Лунин Европа чемпионати-2024 гуруҳ босқичи 2-тури доирасидаги Словакияга қарши ўйинни ўтказиб юборгани ҳақида фикр билдирди. Унинг ўрнига Анатолий Трубин дарвозадан жой олди.
"Словакия билан ўйинда нега захирада қолганимни жуда яхши тушунаман: сўнгги ўйиндаги мағлубият менинг айбим. Биз бу ерда бир жамоамиз", - деди Лунин ua.tribuna.com билан суҳбатда.
Эслатиб ўтамиз, учрашув Украина терма жамоасининг 2:1 ҳисобидаги иродали ғалабаси билан якунланганди. Очилиш учрашувида "сариқ-кўклар" Руминияга йирик 0:3 ҳисобида имкониятни бой беришди. Гуруҳ босқичининг сўнгги турида Сергей Ребров шогирдлари Бельгия билан куч синашади.
