Мадриднинг "Реал" клуби ярим ҳимоячиси Арда Гюлер борасида бир қарорга келди.
Журналист Хосе Феликс Диаснинг хабарига кўра, "Қироллик клуби" раҳбарияти туркиялик футболчини ҳеч қандай ҳолатда сотмайди. Шунингдек, ярим ҳимоячи бошқа жамоага ижарага ўтмайди.
Гюлернинг хизматларига "Ливерпуль" ва Испания Ла Лигасининг айрим клублари қизиқиш билдираётгани аввалроқ хабар қилинганди. Арда ҳужумдаги кучли рақобатга қарамай "Реал Мадрид"да қолади.
Эслатиб ўтамиз, 19 ёшли Гюлер турли жароҳатлар туфайли дебют мавсумида январгача майдонга тушмаганди. Испания чемпионатининг 10 та учрашувида ярим ҳимоячи 6 та гол уришга муваффақ бўлди.
