«Вест Хэм»нинг таянч ярим ҳимоячиси Эдсон Альварес янги мавсумда ҳам клубда қолиши мумкин. Аввалроқ, 26 ёшли мексикалик футболчининг хизматларига «Манчестер Юнайтед» қизиқаётгани ҳақида хабар берилганди.
Машҳур журналист Флориан Плеттенбергнинг сўзларига кўра, «болғачилар» Альваресни 60-80 миллион еврога баҳоламоқда, аммо ёзда уни қўйиб юбормоқчи эмас.
Манбага кўра, «Манчестер Юнайтед» сўнгги бир неча кун ичида мексикалик футболчи ҳақида жуда кўп маълумот тўплаган, бироқ ҳозирча расмий таклиф билан чиқмаган.
Альвареснинг «Вест Хэм» билан амалдаги шартномаси 2028 йилнинг ёзига қадар тузилган.
