Суперлига 12-туридан ўрин олган "Динамо" – "Андижон" (1:1) учрашувидан сўнг меҳмонлар ёрдамчи мураббийи Артём Петросян ўз фикрларини билдириб ўтди.

"Жанговор ўйин бўлди. Мухлисларимизни хафа қилмасликка ҳаракат қилдик. Улар бизни қўллаб-қувватлаш учун 600 километр йўлни бўсиб ўтишди. Самарқанд халқини катта футбол қайтгани билан табриклайман. Ишқибозлар ажойиб атмосферани юзага келтирди. Ўйин ҳақида фикр билдирсам. Яхши бошладик, аммо тўп ўтказиб юбордик. Муаммолар бор. Чизиқлардаги камчиликлар сабабли рақиб бизни дарвозамиз атрофида бир нечта имкониятга эга бўлди. Иккинчи бўлимда вазиятни тенглаштирдик. Афсуски, бизга иккинчи бўлимда бироз олдинги чизиқдаги йигитларга тажриба этишмади. Сўнгги зарба бўлмади. Бу устида ишлаймиз.

Айтдимку, бизга якун етишмаяпти. Иштиёқ борасида йигитларга ҳеч қандай эътироз йўқ. Сўнгги узатма ва сўнгги зарба етишмаяпти. Бизга, голли узатма амалга оширадиган плеймейкер етишмаяпти.

Ҳебай Ўзбекистонда қолишни истамади. Агар уни мажбурласак, бундан ҳеч қандай маъно йўқ эди. Тушунаман, у ўтган мавсумда бизга кўп ёрдам берди, аммо бир футболчи атрофида жамоа қуриб бўлмайди. Уни ортга қайтариш борасида раҳбарият керакли ишларни олиб бормоқда", — деди Петросян.