Швейцария терма жамоаси ҳужумчиси Брил Эмболо Германия билан бўлиб ўтадиган 2024 йилги Европа чемпионати гуруҳ босқичи 3-тур учрашувининг моҳияти ҳақида гапирди.
“Бу иккала жамоа учун ҳам муҳим ўйин, чунки иккаласи ҳам биринчи ўринни эгаллаши мумкин. Ўйлайманки, қўшни эканлигимиз бу учрашувни мухлислар учун ўзига хос қилади. Бу дербига ўхшайди, таъбир жоиз бўлса.
Қўллаб-қувватлаш ажойиб. Бизга Швейцария ва Германия қўшни эканлиги ёрдам беради, шунинг учун ҳамюртларимиз бу ерга келишлари осонроқ.
Биз уларни хурсанд қилишга, ўз даражамизни кўрсатишга, биз билан фахрланишларига имкон яратишга ҳаракат қиламиз.
Бу нафақат жамоа учун, балки бутун мамлакат учун ўзига хос ўйиндир", - дея Эмболонинг сўзларини келтиради УEФА матбуот хизмати.
