Shveysariya terma jamoasi hujumchisi Bril Embolo Germaniya bilan bo‘lib o‘tadigan 2024 yilgi Yevropa chempionati guruh bosqichi 3-tur uchrashuvining mohiyati haqida gapirdi.

“Bu ikkala jamoa uchun ham muhim o‘yin, chunki ikkalasi ham birinchi o‘rinni egallashi mumkin. O‘ylaymanki, qo‘shni ekanligimiz bu uchrashuvni muxlislar uchun o‘ziga xos qiladi. Bu derbiga o‘xshaydi, ta’bir joiz bo‘lsa.

Qo‘llab-quvvatlash ajoyib. Bizga Shveysariya va Germaniya qo‘shni ekanligi yordam beradi, shuning uchun hamyurtlarimiz bu yerga kelishlari osonroq.

Biz ularni xursand qilishga, o‘z darajamizni ko‘rsatishga, biz bilan faxrlanishlariga imkon yaratishga harakat qilamiz.

Bu nafaqat jamoa uchun, balki butun mamlakat uchun o‘ziga xos o‘yindir", - deya Emboloning so‘zlarini keltiradi UEFA matbuot xizmati.