Нидерландия терма жамоаси сардори Виржил ван Дейк Германияда бўлиб ўтаётган Европа чемпионати 3-турида Австрияга қарши ўйин олдидан терма жамоанинг истиқболлари ҳақида гапирди.
"Умидлар катта, шу жумладан биздан ҳам. Бизда яхши жамоа бор, мен чин дилдан шундай деб ўйлайман. Буни муҳим ўйинларда кўрсатмоқчимиз. Францияга қарши ўйиндан сўнг биз футболчилар сифатида бир-биримизга нимани яхшилашимиз кераклигини айтдик. Биз Франция билан ўйиндагидан ҳам яхшироқ ўйин кўрсатишимиз мумкин ва керак. Биз ҳали ҳам ушбу Европа чемпионатида муваффақиятга эриша оламиз", - дея ван Дейкнинг сўзларини келтиради Reuters.
