Niderlandiya terma jamoasi sardori Virjil van Deyk Germaniyada bo‘lib o‘tayotgan Yevropa chempionati 3-turida Avstriyaga qarshi o‘yin oldidan terma jamoaning istiqbollari haqida gapirdi.
"Umidlar katta, shu jumladan bizdan ham. Bizda yaxshi jamoa bor, men chin dildan shunday deb o‘ylayman. Buni muhim o‘yinlarda ko‘rsatmoqchimiz. Fransiyaga qarshi o‘yindan so‘ng biz futbolchilar sifatida bir-birimizga nimani yaxshilashimiz kerakligini aytdik. Biz Fransiya bilan o‘yindagidan ham yaxshiroq o‘yin ko‘rsatishimiz mumkin va kerak. Biz hali ham ushbu Yevropa chempionatida muvaffaqiyatga erisha olamiz", - deya van Deykning so‘zlarini keltiradi Reuters.
