Венгрия терма жамоаси ярим ҳимоячиси ва сардори Доминик Собослаи Шотландия терма жамоаси билан Евро-2024 гуруҳ босқичи 3-тур учрашуви вақтида шифокорлар ишидан норозилигини билдирди.

Ўйин давомида венгриялик футболчи Барнабас Варга шотландиялик дарвозабон билан тўқнашув натижасида жиддий жароҳат олган эди.

“Мен тиббий гуруҳнинг протоколи билан таниш эмасман, лекин шифокорлар бирор нарса бўлганини кўрсалар, ҳаракат қилишлари керак. Бундай масалаларни ҳал қилиш мен учун эмас, лекин менимча, бирор нарсани ўзгартириш керак. Агар кимдир майсада ётган бўлса ва сиз ҳамма нарса жиддий эканлигини кўрсангиз, ҳаракат қилинг! Агар ҳакам сизга рухсат бермаган бўлса ҳам. Ҳеч қандай ёмон нарса бўлмаса, яхши, орқага қайтинг, муаммо йўқ. Аммо бундай вазиятларда сониялар кўп нарсани ҳал қилади", - дея Собослаининг сўзларини келтиради RMC Sport.